Poesia -La Festa Di La Madonna- Ricuordi d`un viecchiu scularu - di Antonello Ferrara
LA FESTA DI LA MADONNA (di Antonello Ferrara)
Trasiennu lu misi di Lugliu,
si viri la gente in grandi subbuglio
picchì iurnu 2 di stu misi,
aviemu la festa Patrunali di lu paisi.
La Madonna di Li Grazi di La Matrici
è la Nostra Matri prutittrici
e na st`occasioni qualcuno ciu cuntentu e felici
La prega cu firvuri pi la Grazia ca ci fici.
Iorna prima di sta Solennità accussì importanti
n`capu tanti cami di lu rumuri assurdanti
arrivanu carricati li firanti
mienzu a la fudda di genti già fistanti.
Luongu lu cursu principali sfarzusi luminari
fannu mustra cu splindenti di culura vari
mentri li firanti, finuti ormai li feri di cunsari
aspettanu di vinniri pi putiri stimpuniari.
Lu 2 matina si senti bummiari
e pua la musica sunari
pa ricurdari a tutti
ca la festa sta p`accuminciari.
Li musicanti sonanu cu granni talientu
datu ca chistu è un Sulenni mumientu.
Na stu iornu di festa
quasi nuddu intra arresta
e pi sta ricurrenza speciali
si rendi anuri a Sta Bedda Matri Celestiali.
La genti curri a vidisi la Missa
picchi rispiettu a tutti l`autri
chista unnè la stissa
e cu la fudda stipata pissinu davanti a lu Sacratu
accumincia a diri missu lu prilatu.
A la fini di la celebrazioni
provanu tutti una forti emozioni
e comu signu di tanta devozioni
scatta l`applausu di la populazioni.
Quannu è aura di la Procissioni
cumincia a essecci una gran cunfusioni
la genti scausa cu lu ciruni in manu
si movi furmannu un sirpintuni umanu
Purtata n`capu la vara
la Madonna Di Li Grazi
passa pi li strati, n`ta li chiazzi,
e scinniennu paggliri lu chianu
c`è cu canta e prea cu lu rusariu in manu.
Appena unci di rituornu n`ta lu Sacratu
u Simulacru n`terra veni pusatu
e cu tanta partcepiazioni la genti assisti
a statra funzioni.
A la fini di sta Sulenni iurnata
sona arrieri la musicata
e la fudda ormai spinsirata s`ascuta puru la mascuniata.
Pua n`ta lu tardu di sta sirata accussì afusa
fra tanta cunfusioni e allegria cuntaggiusa
la genti misa n`ta la chiazza ranni a la rinfusa
si godi lu spittaculu di la cantanti famusa.
Antonello Ferrara
(tutti i diritti riservati)
